Quatre artistes de FOLIE OUVERTE exposent du lundi 17 octobre au mercredi 19 octobre 2011, lors du colloque d’Action Aid au Karibe Convention Center de 8 heures à 17 heures.

12 janvye 2010 tounen dat renesans peyi Dayiti malgre anpil soukous li pote nan lavi chak grenn ayisyen. Chak grenn ayisyen pa konprann koze renesans peyi Dayiti a menm jan menm si  yo tout kwè 12 janvye dwe soti Ayiti anba dekonb pou limyè jayi sou chimen yon lot kalte peyi. Kidonk, 12 janvye fè konsèp rekonstriksyon tounen yon refren nan bouch tout moun san se pa nou tout ki rive deplotonnen sans  ak valè mo sa a.  4 jèn pent Folie Ouverte pran inisyativ pou bay dizon yo sou  jan yo konprann sans mo rekonstriksyon an:  Islande Henry, Walgens Pierre Jean, Patrick Lafontant, Vladimir Pascal reyini nan atelye yo nan APROSIFA pou penn 15 twal 50 pa 70 pous pou yo sa eksprime dizon sa a. Yo apresye envitasyon ACTION AID lanse yo pou yo vin patisipe nan kolok  17-18-19 oktob la ak 15 twal sa yo. Nou remèsye espesyalman M. Ghemps Desauguste  ki ban nou opotinite pou n vin sansibilize tout patisipan kolok la sou dimansyon konsèp rekonstriksyon an. Ko m noumenm 4 jèn pent sa yo grandi nan Kafou Fèy, nou chwazi katye sa a kom referans sijè nou penn yo pou rive atire atansyon piblik la sou modèl  rekonstriksyon nou vle pou Kafou fèy.

Ann pale de Rekonstriksyon lavi

Anne pale de Rekonstriksyon Mantal

Pa gen Rekonstriksyon san patisipasyon fanm ak Andikape

Ann pale de Rekonstriksyon sosyal

Ann pale de edikasyon liberasyon sou chimen rekonstriksyon an

Télécharger le catalogue